Zondigmergen 29 oktober, un eurke terug inne tied, schitterdj dames 1 in ut blauw-wit. Nein neet de wedstrijd tenues, mer in de nouwe warming up kleijer!
Met GROEETE dank aan ooze sponsoren Mike Verberne glas-en montagebedrijf en Café de Prins!
Met hun blauw-wirt hert hebben ze os gegundj om al in de warming-up te gaon schitteren.
En det heet vandaag absoluut de 3 punten opgeleverdj.
Auch al waas ut unne zwaore dobber, de standj nao 90 minuten teltj. Heldjen waas good op dreef, vul scherper dan vae, ondanks de verzatten klok. Vae begosten waat rommelig en un bitje als gatenkaas aan de wedstrijd, mer niks is bepalendj inne rust.
Nao un kleine peptalk begos Ospel toch hiel wat baeter aan de 2e helft. Happen = weg zei ooze trainer. Nein ut ging neet over de snackschaal, mer over verdedigendj talent.
Gelukkig wisten vae ut tij te keren en kosten vae nao 90 minuten zeggen det ut scorebord 3-2 veur os aangoof.
Ut team geluifdje erin en dét is ut aller belangriekste in un teamsport. Namelijk EIN TEAM!
En wildjae dit now un kier van dichtbeej zeen, gaotj dan neet veur nouw glaas van Mike Verberne, mer kotj nao de Houwakker!
En de derdje helft veeren vae beej ooze sponsor Café de Prins, want de derdje helft wirdj altied beej Remy gewonnen!
Vae zeen os!
